WhatsApp igiye gukora impinduka ku ma Smartphones

2,425 total views, 1 views today

Kuva kuri uyu wa 1 Gashyantare 2020, serivisi zo guhererekanya ubutumwa hifashishijwe WhatsApp zahagaritswe burundu muri telefoni nyinshi ziganjemo izikoresha Android na iOS.

Ibikoresho bya Android na iPhone bifite porogaramu y’ikoranabuhanga ’Operating System’ ishaje cyangwa itakigezweho ni byo bitazongera gukoresha WhatsApp.

WhatsApp yatangaje ko iki cyemezo yagifashe kuko cyari gikenewe ndetse kigamije kurinda umutekano w’amakuru y’abayikoresha akaba yizewe.

Telefoni zigezweho zizwi nka Smartphones zikoresha Android 2.3.7 na iPhone iOS 8 ni zo zizagerwaho n’izi mpinduka zo kutongera gukoresha WhatsApp.

BBC yanditse ko abantu benshi bashobora gukorera amavugurura [update] operating systems zabo kugira ngo bakomeze gukoresha WhatsApp.

Ibi ariko mu bikoresho bimwe na bimwe nka iPhone 4, yakira gusa porogaramu ya iOS 7, ntizongera kwakira application ya WhatsApp.

WhatsApp yari muri application zamanuwe (download) mu myaka 10 ishize, ku nshuro ya mbere yari yatanze umuburo ko izi mpinduka zizaba mu 2017.

Ni icyemezo Umuvugizi wa WhatsApp avuga ko kigoye ariko cyari gikwiye gufatwa mu gufasha abantu kuganira n’inshuti, imiryango mu buryo bwizewe.

Mu 2016 nibwo WhatsApp yaherukaga gukura application yayo muri telefoni zitandukanye n’iza Windows ku wa 31 Ukuboza 2019.

Leave a Reply

Your email address will not be published. Required fields are marked *