“ICC Africa’s Women Qualifier 2019” Ikipe y’u Rwanda mu kiciro cy’abagore yitwaye neza

1,176 total views, 1 views today

Ikipe y’u Rwanda mu kiciro cy’abagore yitwaye neza mu mukino  wa mbere w’imikino y’Afurika “ICC Africa’s Women Qualifier 2019”  igamije gushaka itike y’igikombe k’Isi “ICC Women’s T20 World Cup 2020”.

Iyi  mikino yatangiye tariki 05 Gicurasi 2019 i Harare muri Zimbabwe, ikipe y’u Rwanda  yatsinze ikipe y’igihugu ya Nigeria ku kinyuranyo cy’amanota 37. Muri uyu mukino, Ishimwe Henriette   ni we wabaye umukinnyi witwaye neza.

Nyuma y’uyu mukino, umutoza mukuru w’ikipe y’igihugu, Josua Mwanja yatangaje ko   bishimye cyane kuko intego bari bihaye yo gutangira batsinda bayigezeho. Yakomeje avuga ko urugamba rukikomeza kuko bagifite imikino ikomeye irimo uwa Mozambique na Zimbabwe yakiriye irushanwa.

Uwera Salah, kapiteni w’ikipe y’igihugu  nawe  yagaragaje ko umukino wari mwiza  ko bawutangiye neza  bagakora cyane bikarangira babonye insinzi. Yavuze ko umutoza yari yabasabye  kubaha ikipe  ya Nigeria bagiye  gukina  kandi bakajya  mu kibuga bifitiye ikizere  ndetse ko bagomba gutsinda umukino wa mbere  kugira ngo bibahe imbaraga n’ishyaha  ryo  gukomeza   guhatana mu iri rushanwa.

Yakomeje avuga ko  bagomba kwitegura neza   imikino isigaye  irimo umukino wa Mozambique na Zimbabwe kandi bizeye nayo  kuzayitwaramo neza.

Mbere y’uyu mukino, abayobozi baturutse muri Ambasade  y’u Rwanda muri Zimbabwe bayobowe na Amb. Musoni James  basuye ikipe y’u Rwanda  aho icumbitse kuri Cresta Hotel baganira nabo ndetse babaherekeza ku kibuga bakurikirana umukino.

Nyuma y’umukino, Amb. Musoni James yatangaje ko ikipe yitwaye neza kuko yatangiye itsinda. Yakomeje avuga ko babifuriza gukomeza kwitwara neza anabasaba nabo gukomeza gushyiramo imbaraga kugira ngo bazabona insizi no mu yindi mikino isigaye.

Ikipe y’u Rwanda iri mu itsinda A hamwe  na Nigeria, Tanzania, Mozambique na Zimbabwe,  tariki 08 Gicurasi 2019 izakina na Mozambwique hanyuma tariki 09 Gicurasi 2019 ikine na Zimbabawe naho tariki 11 Gicurasi 2019 isoze ikina na Tanzania.

Amb. Musoni James ari kumwe n’abakinnyi b’ikipe y’u Rwanda

Amb. Musoni ari kumwe n’abagiye bayoboye ikipe y’u Rwanda ya Cricket

Amb. Musoni James asuhuza abakinnyi mbere y’umukino

Ubwo umukino w’u Rwanda na Nigeria wabaga, Amb. Musoni James yarawukurikiranye urinda urangira

src:Imvahonshya

Leave a Reply

Your email address will not be published. Required fields are marked *