Tugiye gukomeza imyitozo twitegura umukino dufitanye na Mukura VS- Umutoza wa APR FC

1,899 total views, 3 views today

Umutoza w’ikipe ya APR FC, Zlatko avuga ko nta wundi mukino wa gicuti bashobora gukina mu gihe batari bacakirana na  Mukura V.S  mu mikino w’ikiraranwa w’umunsi wa 21 wa shampiyona.

Umutoza Zlatko atangaje ibi nyuma yaho FERWAFA yandikiye amakipe afite imikino y’ibirarane iyamenyesha amatariki bizasubukurirwa. Ikipe ya APR FC izakina na Mukura VS ku wa 27/03/2019 hakinwa umunsi wa 21, bakinire kuri stade ya Huye.

Ikipe ya APR FC kandi ku wa 30/03/2019 izakina na Sunrise hakinwa umunsi wa 22 bakinire kuri stade ya Kigali i Nyamirambo.

Umutoza avuga ko bamaze iminsi bakora imyitozo itandukanye n’abakinnyi yasigaranye batahamagawe mu ikipe y’igihugu, ndetse banakina imikino ibiri ya gishuti n’amakipe yo mu cyiciro cya kabiri, kugira ngo bifashe abakinnyi batagiye mu ikipe y’igihugu.

Nk’uko bitangazwa ku rubuga rwa APR FC, avuga ko imikino ya gicuti atariyo ibaraje inshinga muri iyi minsi, ati “Dusigaranye iminsi mike itatwemerera kugira indi mikino ya gishuti twakina, ahubwo ubu icyo tugiye gukora n’ugukomeza imyitozo twitegura umukino dufitanye na Mukura VS mu mpera z’uku kwezi kuri stade ya Huye ndetse n’indi mikino yindi ya shampiyona dufite idutegereje imbere”.

APR FC niyo iyoboye shampiyona n’amanota 48 mu mikino 20 imaze gukinwa, ndetse ni nayo kipe iziganye ibitego byinshi kurusha izindi kipe kuko izigamye ibitego 23, ikarausha amanota 4 amakipe ayikurikiye

Leave a Reply

Your email address will not be published. Required fields are marked *